Urkunden – Detail
Urkunde
Datum / Ort
4.6.1376
/ Luzern
Regest
Friedrich Buttener, Kuchimeister des Bischofs Heinrich von Konstanz, verkauft die von diesem ihm versetzte Quart von Ettiswil um 240 Gulden an Peter Käl von Schwyz und dessen Ehefrau Ita.
Kommentar Regest
Regest nach Morel, Nr. 445
Urkundentext
Ich Fridrich Büttenner von Lucern zuo den ziten kuchimeister des hochwirdigen fürsten mins gnedigen herren bischof / Heinrichs von Constentz vergich bekenne und tuon kunt offenlich mit disem brief allen die in ansehent oder / hoerent lesen als mir der vorgenant min gnediger herre der byschof zuo etzlichen ziten mit des capitels gemeinlich / des styft zuo dem thuome ze Costentz gunst willen und wissend die quart der kilchen ze Ettiswile in Ergoew / gelegen die ierlichen gelten sol vier und zweintzig guoter guldin recht und redlich versetzet hat ze einem rechten / und werendem phande ane alles abniessen oder abslahen der nuotzen für zwei hundert und vierzig guoter guldin / die ich mins eigenlichen guotes bar hin us gab und in derselben miner herren des bischofs und des capitels des / vorgenannten thuomes gemeinen guoten nutz und notdurft komen sint als der houbtbrief wol bewiset den die selben / min herren mir dar umbe geben hand. Das ich mit guoter vobetrachtunge mit fründen rate dur miner notdurft / willen und ze versehenne meren schaden dieselben gülte und alle min rechtung der egenanten phandschaft uff / der vorbenemten quarte und was der vorgenande houbtbrief hat der mir dar über geben wart recht und / redlich verkouffet han und ze einem lidigen kouffe frilich und lidklich hin geben han den erberen lüten Petern / Keln von Switz und vro Jten siner elichen wirtin umb zwei hundert und vierzig guldin ze Luocern guoter genger / und geber an golde und an gewicht so ouch ich von inen gar und gentzlich gewert bin und in min guoten nutz komen / sint. Und dar umbe so entzien ich mich frilich mit disem brief und han entzigen an ir beider hand für mich und / alle min erben der vorgenannte gülte und aller miner rechtung der vorbenemten phandschaft und was der vorgeseite / houbtbrief hat also das ich noch min erben noch jeman andrer von minen wegen dieselben Petern Kel und vro Jten / sin elichen wirtin noch ir erben noch jeman andren der den egenannten houbtbrief von ir wegen mit ir willen inne hat / dar an niemand me geweren, hindern, sumen bekümbern noch besweren sulle noch schaffen getan heimlich noch offenlich / mit geistlichem noch mit weltlichem gerichte noch ane gerichte mit keinen sachen und han mirselben noch jeman / andren von minen wegen dar an mit me vorbehebet weder vorder teil noch gemein und lasse si beide an ir / und an ir beider erben statt oder des der den vorgenannten houbtbrief mit ir willen inne hat der egenannte gülte und aller / min rechtung der vorgenannten phandschaft und was der obgenannte houbtbrief hat und ouch des selben houbtbriefes in ruo- / wig liplich und nutzlich gewer si für dis hin lidklich nach dien worten als vorbescheiden ist in ze nemenn ze ha- / benne ze niessenne ze besitzenne und ze entsetzenne was derselb houptbrief bewiset der mir dar über geben was / den ich inen ouch zuo disem gegenwurtigen brief geben und in geantwurt han. Und lob ouch mit disem brief und / han gelobt für mich und min erben des vorgeschribenen kouffes derselben Peter Kels und vro Jten sinr elichen / wirtin oder ir erben oder des der den dikgenannten houbtbrief von ir roegen mit ir willen inne hat rechter wize / sinne an allen den stetten da es inen notdurftig wirdt und wir es dur recht tuon sullen alles ane gewer- / de hie bi warent gezüge her Uolrich Phunger korherre ze Münster Johannes Krieg kilchherre ze Inwile Fridrich / von Wissenwegen burger ze Luocern Heintzman vogtz von Wolhuss Johannes Haeggi der [pamater] Erni Tirant min / knecht und ander erber lüte und har über ze eimem waren urkunde so han ich Fridrich Büttenner der obgenannte / min ingesigel offenlich an disen brief gehenket mir und minen erben ze einer vergicht dirre vorgeschribenen sache / dis geschach und wart ouch dirre brief geben ze Luocern in der stat an der nechsten mittwuchen nach dem heiligen / tag ze phingsten. Do man zalte von Christs geburt drizehen hundert sechs und sibentzig jar.
kommentar urkundentext
Arbeitstranskription im Rahmen des Seminars "Vom handschriftlichen Dokument zur digitalen Quelle" an der Universität Luzern, Frühjahrssemester 2011.
Überlieferung
A (Original), KAE, V.A.5
Signatur
Titel
Kaufbrief um die versetzte Quart von Ettiswil
Inhalt
Datierung
4.6.1376
Objekttyp
Urkunde (Deutsch)
B (Kopie), KAE, A.II.2, S. 443
Signatur
KAE, A.II.2, S. 443
Titel
Burkardenbuch, Bd. 2
Inhalt
Datierung
1418
- 1438
Objekttyp
Buch (Deutsch)
Regesten/Editionen
Morel, Nr. 445 (Regest)
Text Regest
Friedrich Buttener, Kuchimeister des Bischofs Heinrich von Constanz, verkauft die von diesem ihm versetzte Quart von Ettiswil um 240 Gulden an Peter Käl von Schwyz und dessen Ehefrau Ita.