Urkunden – Detail

22.5.1376 / Zürich

Die Äbtissin der Fraumünsterabtei Zürich, Beatrix von Wolhusen, verleiht an Hermann Keller von Schwamendingen, dessen Schwester Anna und ihrem Neffen Johann Keller Reben und einen Acker zu Hottingen, die sie von Hermann von Ueberlingen, Bürger von Zürich, und dessen Frau Anna gekauft haben.

Regest Seminar Sonderegger/Kränzel/Baumgartner 2008

Wir Beatrix von Wolhusen1 von gottes gnaden eptischin des gotzhus Zürich sant Benedicten ordens2 in Kostenzer
bystuom, || künden allen, die disen brief sechent oder hoerent lesen, das für uns kam Herman von Überlingen bürger
Zürich || und fro Anna sin elichu wirtinne mit im und mit ir rechten vogtes hant und beidu mit enander unverscheidenlich
anderhalb iuchart reben minr oder mer ane geverd und ein aker, das alles ze Hottingen bi enander gelegen || ist, stost
einhalb an Ruod. Schoenen, andrenthalb an Johans Ammans gueter. Und sint erb von unserm gotzhus umb einen mütt
kernen jerlich ze sant Andres tag3 da von ze geben mit steg mit weg und sunderlich mit allem recht, so dar zuo gehoert
mit unser hant willen und gunst recht und redelich ze kouffen geben hant den erbern lüten Herman Keller von
Schwamendingen, fro Annen siner elichen swester und Johansen Keller iro beider elichen bruoder sûn umb hundert und
ein und drissig guldin guoter und genger an gold und an gewicht, der ouch si nach ir beider vergicht von inen gar und
genzlich bericht und gewert sint. Und her umb durch iro beider ernstlichen bette willen, do namen wir die vorgenanten
reben mit dem akker und mit allem recht, so dar zuo gehoert, von inen beiden uff und habens verlichen den egenanten
Herman Keller von Schwamendingen, fro Annen siner elichen swester und Johansen Keller irs bruoder sûn, inen allen
drin gemeinlich und unverscheidenlich und iren erben ob si enweren ze einem rechten erb von unseren gotzhus umb den
vorgeschribnen zins. Ouch hant sich die obgenanten Herman von Überlingen und fro Anna, si elichu wirtinne, mit im und
mit ir rechten vogtes hant entzigen für si und ir erben gar und genzlich alles rechten vordrung und ansprach, so si oder ir
erben, ob si enweri, nach den vorgenanten reben mit dem aker und mit allem recht, so dar zuo gehoert, gen den
vorgenanten Herman Keller von Swamendingen, fro Annen siner swester und Johansen Keller irs bruoder sûn und gen iro
aller erben. Ob si enweren deheine wise iemer gewonne oder gehaben moechten an geistlichen oder an weltli- chen
gerichten âne alle generd. Es hat ouch der obgenant Herman von Überlingen und fro Anna, sin elichu wirtinne, mit im
und mit ir rechten vogtes hant gelobt bi guoten trüwen für si und ir beider erben der vorgenanten reben mit dem aker
und mit aller zuogehoert wêr ze sinne nach rechte des egenanten Hermans Kellers von Swamendingen, fro Annen siner
swester und Johansen Kellers irs vetters und irs bruoder sûn und iro aller erben, ob si enweren, für ein recht erb von
unsern gotzhus umb den vorgeschribnen zins und ouch kouffe an allen den stetten, wo oder wenne si des notürftig sint
oder bedurfent âne all geverd. Her über ze einem waren urkund. So geben wir disen brief besigelt mit unserm insigel
offenlich uns und unsers gotzhus zinsen und rechten unschedlich. Der geben ist Zürich in unserem hof an dem nechsten
dornstag4 vor sant Urbans tag5 des iars, do man zalt von gottes geburt drüzechen hundert und sibentzig iar und dar
nach in dem sechsten iare. Da bi warent her Heinrich Biderman unsers gotzhus korherre, Johans Amman von
Wallessellen, Ruod. Keller, schuomacher Bilgri Berger, Klaus Schnuerli burger Zürich und ander erber lüten vil.

Übungstranskription Seminar Sonderegger/Kränzle/Baumgartner 2008