Urkunden – Detail

5.1.1467 / -

Jann Sutter, als Vogt der Margareta Stricherin, urkundet den Verkauf einer Gülte über ein Pfund Haller Zürcher Müntz an Hemi Eberly, Pfleger und im Namen der Kapelle in Reichenburg, zum Preis von 20 Pfund Zürcher Müntz. Als Unterpfand dient das Gut genannt Strichers Steinabrugg.

Das Regest wurde 2011 mit Hilfe des Summariums im Rahmen des Urkundenprojekts 2 erstellt.

Ich Jann Sutter von Richenburg yetz allyn und Margretten Stricherin recht gebner vogt bekenn und / tuon kund allen menngklichemm mit disem brieffe das ich in vogtz wis für die genanten kind und ir erben / ouch durch ir sunder nutzes willen und ir merenn schaden damit ze wenden so han ich eines / rechttenn stättenn redlichen und ewgien kouffes verkoufft und ze kouffen geben ein pfund halle(r) järlicher und / ewiger gülte Züricher müntze das jährlich ze richtten und ze weren der cappell ze Richenburg oder / irem pfleger uff santt Marttins tag oder in acht tagen darnach ungefarlich an mindrung und an ab / gang und an allen jran costann und schadenn. Und hett den selben kouff mit mir getan der bescheyden Hemi / Eberly von Richenburg yetz pfleger der selben cappell und zu der cappell handen und soldz selb pfund / zins nu hinfür järlich und yeclichs jars gan von uff uff und ab der selbn kinden gut genant Strichers / Steinabrugg stost oben nider an die Stigellen und unden uff an Cüny Sutters Steinabrugg zum drytten / ort an der Schirniggen hyrssern. Und darumb so hand die genanten kind empfangen zwentzig / pfund ouch Zürcher müntz die jnan volkomenlich gewert und bezalt sind und ist der kouff be- / schehen welhes jars der genannt zins mit uff dz obgenannt zil gewert wurd der genannt cappell / oder jrem pfleger so söllent und mögend sy darnach und dannenhin dz genant gut an gryffen an / anlangen nötten und zu jr handen() ziehen() es besetzen nützen() niessen mit allen nutzen früchten rechten / und zugehörden und gantz damit tun und lassen als mit jrem verfallnemm gutt so lang als dik und vil / bis man jr gefallenn zins cost und schad ervollet und gäntzlich uffgericht und bezalt wirt danor uns / denn nit schirmann sol dehein geystlich noch weltlich lüt noch gericht noch kein andere sach weder fund / noch gefärd ich obgenannt Jann Sutter loben() ouch für die genanten kind und jr erben diss kouffes gutt nutz / wer und tröster zu sin an allen stetten uff allen gerichten geystlich und weltlich wo sy der bedurffen by / gutten trüwen ungfarlich. Ich obgenannt Jann Sutter han ouch den genanten minen vogt kinden jn disem kouff / vor behan und ussgedinget dz sy und jr erben den genannt zins wol mügend ab kouffen und lösen mit zwen- / zig pfunden und mit allen usständigenn zinsen damit wenn sy die gebent so sol man die von jnan nemen / und sol jnan der genannt zins ab sin und dz genannt gut ledig sin von des selbn zins wegen doch sol diese / selb müntz Zürich geng und genam sin so man die lossung tun wölt. Und des alles zu warem ur- / kund so han ich obgenannt Jann Sutter mit ernst erbetten den frommen Cünratten Sutter vogt ze Richenburg dz / er für diese genanten minen vogt kind und jr erben sin eigen jnsigel offenlich an disen brieff gehenkt hätt / doch minem gnädigen herrn und dem gotzhus von Eysydlen an jr gerechtikeyt und jm und sinen erbn an schaden / geben uff der helgen dry kungen abend nach crystus geburt zalt man tussig vierhundert sechtzyg und jn dem / sibendenn jare

Arbeitstranskription im Rahmen des Seminars "Vom handschriftlichen Dokument zur digitalen Quelle" an der Universität Luzern, Frühjahrssemester 2011.