Urkunden – Detail

1407 / Konstanz

Albrecht Blarer, Bischof von Konstanz, überträgt auf Bitte von Peter Rikenbach, Bürger von Konstanz, den Hof Haimliss Feld bei Güttingen, den er als Lehen des Domkapitels von Konstanz inne hat und dem Frauenkloster Münsterlingen verkauft hat, vollständig dem Kloster Münsterlingen.

Wir Albrechtt von den gottes gnaden byschoff ze Costentz tuond kunt und vergehent des offenlich mit disem brieff daz für uns komen ist an dem tag / als dime brieff geben ist unser lieben getruwen Peter Rikenbach burger ze Costentz. Und offnatt vor uns wie daz er den ersamen gaistlichen / frowen der maistrinen und dem convent des gotzhus ze Munsterlingen ob Costentz gelegen ze koffenn geben hab recht und redlich sinen hoff, / genant Haimliss veld ob Güttingen, mit hoffstetten mit akker mit wisen mit holz mit veld mit samen und mit allen nutzen gewonhaiten / rechten und zugehorden und den järlichs giltett sechs mut kernnen zway malten habner Costentzner mess ain pfund pfennig Costentzer müntz / viere hünr und hundert aiger. Alz er den inne gehebt besessen und genossen hett und alz den an in komen und bracht ist der von uns und / och von unserm gotzhus lehen ist. Und batt uns der selb Peter Rikkenbach das mir den selben hoff mit sinen rechten und zugehorden von im / uff nemen wolten und den selben hoff den selben frowen ze Munsterlingen aignen und ze aigen geben wolten. Da habent wir angesehen die / dienst so uns den selb Peter und och die frowen ze Munsterlingen dis nutzlich getan hand und noch getün mugent nutzent und dz och alwend ain / gotzhus dz ander zü redlichen sachen fürderen sol. Und habent den selben frowen ze Munsterlingen und iren nachkomen für uns und / daß gotzhus und unser nachkomen und och mit willen und gunst den erwirdigen heren des gotzhaus und des cappittels gemainlich ze / dem thüm ze Costentz den selben hoff genant Haimlissveld mit sinen rechten und zugehörden gedignet ze aigen geben und aig- / nent men den selben hoff mit krafft diss brieffs und entzichent uns och daran mit krafft diss brieff allen lehenschafft und alz unsers / rechten. Und habent och diss getan für uns und unser nachkomen mit allen den wortten werchen und getaten und mit aller krafft so / darzuo hort und notteirffrig waz nach gewonhait und nach recht. Und zem urkunt der warhait dir dringen geben wir obgenantten / Albrecht erwehrten bischoff ze Costentz unser insigell fur uns und unser nachkomen an disan brieff. Darnach vergehent wir der rechen und dz / cappittell gemainlich ze dem thuem ze Costentz dz diss mit unserm willen und gunst beschechen ist und gebend unsern willen und gunst / darzü mit disem brieff. Doch uns und dem selben unserm cappittell ain schaden und zem urkunt der warhait geben um och des selben / unsers cappittels insigell an disen brieff der ist ze Costentz geben do man von cristi geburt zalt viertzethen hundert jar darnach in / dem sibenden jar an

Arbeitstranskription im Rahmen des Seminars "Vom handschriftlichen Dokument zur digitalen Quelle" an der Universität Luzern, Frühjahrssemester 2011.