Urkunden – Detail

1.7.1493 / -

Abt Johannes Konrad von Rheinau tauscht seine Leibeigene Verena von Rod von Martel, Frau des Heinrich Keller von Basadingen, mit den Frauen des Klosters St. Katharinental gegen ihre Leibeigene Ursula Braiterin von Flach, Frau des Claewi Zechender zu Trüllikon.

Wir, Johans Cuonrats, von gottes gnaden abbt dez gotzhuß zuo Rinnow in Costentzer bistums
gelegen, sant benedicten ordens, bekennen offenlich mit diessem brieff, daz wir mit zytiger vor-
betrachtung und mit gemainez cappitell unserß conventß, Veren von Rod von Martel, Hainrich
kellers von Basendingen elich wip, unß gotzhüsig gewesen ist, den erwirdigen und gaistlichen
fröwen, fröw priorin und co[n]vent dez gotzhus zuo sant Katharinental , underderstat diessen höffen
am rin und in Costentzer bistumb gelegen predier ordens umm und für Ursulen Braiterin von
Flach, Claewis Zechenders zuo Truellikon elich wip, in tusch und wechsels geben habent und gebent in
crafft dis brieffs der mäß, daz die selbig Verenen von Rod von Martel, iri kind, öb sy die yetz zemäl
hette oder hin für gew[ü]nne, so elich von ir geboren sind oder w[e]rdint, dem vermelten gotzhuß zuo sant
Katherinental und sinen nachkomen alß gotzhus lüt zuogehören iro sin und mit namen alleß daz
ze tünd so dem gotzhuß lüt zuo sant Katherinental irm gotzhuß verbunden und schuldig sin söllen
vertziehen ouch unß heruff für unß daz genant unser gotzhuß und unser nachkumen gegen
den vermelten fröwen dez gotzhuß von sant Katharinental irm gotzhuß und irn nachkomen
aller aigenschafft vordrung und ansprach so wir bißhar an die selbigen Verenen von Rod und
Martel gehept habent oder wir ald unser nachkomen in künfftig zitt an sy und iri kind gehaben
und gewinnen mügint in de hain wiß lobent ouch hiemit by unser wirdi und guoten trüwen
für unß und unser nachkomen den mergenanten unsern fröwen dez gotzhuß zuo sant kath-
erinental irm gotzhuses und iren nachkomen diß tusches und wechsels recht guot getrüw
wär zuo sin gen aller mengklichem nach aller nodturfft on alle geverd und dez zuo warem
urkund, so habent wir obgenanter abbt unser apttig insigel für unß, unser gotzhuß und
unser nachkomen offenlich gehenckt an disen brieff umb bestätigung diß wechsels der
geben ist an sant Sebastions äbend, dez grossen martirers, als man zalt von der ge-
burt cristi, unsers lieben herre[n], tusend virhundert achtzig und in dem achtenden jär.

Arbeitstranskription Ad fontes-Kolloquium von Andreas Kränzle

"Basendingen": Basadingen TG.
"gotzhus zuo sant Katharinental": Kloster Katharinental b. Diessenhofen,TG.
"predier ordens": Dominikanerinnen
"Truellikon": Trüllikon, ZH.

Aussteller: Johannes Konrad, Abt des Klosters Rheinau
Verena von Rod von Martel ist Rheinau